Enkarterri Open Challenge

EKOC ez da ez kirol-ekitaldia ez kirol-proba… Erronka-kontzeptu berria da, eta hiru helburu ditu: kirolaz, naturaz eta Enkarterriz gozatzea. Bat egitera ausartzen zara?

Enkarterri Open Challenge kirol-erronka bat da. Hainbat zirkuitutan parte hartu beharko duzu (eta ibilbidea amaitu), zeuk hautatutako modalitatean: mountain bike, trail running edo trekking. EKOC ez da lehiaketa bat, baina zure alderdi lehiakorra kontutan hartu dugu. Nolanahi ere, zirkuituaren zailtasuna aukeratu ahal izango duzu: maratoia edo maratoi-erdia mendiko bizikleta hautatzen baduzu, eta ibilbide luzea edo laburra, trail running edo trekking modalitatea aukeratuz gero.

EKOC Enkarterri eskualdean (Bizkaia) egingo da 2021eko urtarriletik ekainera bitartean, eta zeuk erabakiko duzu nola eta noiz parte hartu. Erronkak sei egoitza finko izango ditu, eta ez dago horietan parte hartzeko egun eta ordu jakinik: zure esku dago unea aukeratzea, aurrez ezarritako epe batzuen barruan.

Modalitate bakoitzaz ahalik eta gehien goza dezazun diseinatu ditugu zirkuituak. Paisaia anitzetako eta edertasun handiko lekuetan murgilduko zara: mendiak, itsasoa, parke naturalak… Bat egitera ausartzen zara?

Albiste gehiago