Lactebal

Baserriko errezeta tradizionalak gorde ditu belaunaldiz belaunaldi Lactebal-ek, gure ahosabaien gozamenerako. Behi-esne propioa erabiliz, mota guztietako esnekiak egiten ditu enpresa honek Balmasedan. Horien artean, honako hauek nabarmentzen dira: jogurt naturalak eta zaporekoak (limoia, laranja, ahabiak, mugurdia, basoko frutak…), jogurt likidoa, gazta freskoa, gazta-krema, esne pasteurizatu osoa edo erdigaingabetua eta mami gozoak (azken horiek ardi-esnearekin eginak).