Trianoko Mendien ingurua Bizkaiak XIX. mendearen erdialdetik aurrera jasan zituen meatzaritza-lan gogorren lekuko adierazgarrienetako bat da. XX. mendearen hasieran, Meatzaldea Europako meatze-ustiategi garrantzitsuenetako bat bilakatu zen. Bertako paisaietan barrena egitea baino modu hoberik ez dago eskualdea ulertzeko. Izan ere, bisitariek XX. mende hasierako jarduera industrial, sozial eta aldarrikatzaile frenetikoaren oihartzuna entzun dezakete oraindik ere Meatzaldean.