Muskiz Euskadiko meatze-barruti handienetako bat izan zen garai batean. Burdin minerala trenbidez garraiatzen zuten Burdin Mendietatik kostaldeko zamalekuetaraino. Ibilbide gidatu honetan, oinez egingo dugu Kobaron eta El Piquillo zamalekua lotzen dituen Bide Berdean zehar (5 km). Muskizen hasi, eta Ontonen (Kantabria) amaituko dugu. Ibilbidean aztarna ugari agertuko zaizkigu, meatze-prozesuaren urrats guztietatik gidatuko gaituztenak, mineralaren erauzketatik ontziratzera arte.