Egin zeure eltzekoa

Bapo jan nahi duzu giro alai eta jostagarrian? Balmasedako Pintxo i Blanco tabernan gure sukaldaritzaren platerrik sendoena prestatzen irakatsiko dizugu, trenbideko langileek erabiltzen zuten jatorrizko egosketa teknikaz baliatuz. Indaba eltzeaz ari gara, nozki.

Saiheskiak, urdaiak, txorizoak, odolkiak... Mimoz eta pazientziaz kozinatuko duzu eltzea, egosketa hainbat ordutan zehar luzatuko baita ikatzeko su txikian. Nolanahi ere, pena mereziko du itxaronaldiak emaitza dastatuz gero.

Bitartean, Balmasedako Erdi Aroko kale harriztatuetan zehar ibili eta hiribilduko aspaldiko tradizio batean murgiltzeko aukera izango duzu:potea. Gustu ona eta dibertsitatea sustatzen duen Slow food elkartearen aipamena lortu du Balmasedaok eltzeak.