Karrantza Harana

Paradisu naturala

Enkarterri eskualdeko mendebaldeko muturrean dagoen Karrantza haranak 137,97 kilometro koadroko azalera du, eta ondorioz, Bizkaiko udalerririk zabalena da

Haranak 49 auzo ditu, baina horiek ondorengo hamasei kontzeju edota parrokietan biltzen dira: Ahedo, Aldeacueva, Bernales, Biañez, La Calera del Prado, Lanzas Agudas, Matienzo, Pando, Presa, Ranero, San Ciprian, San Esteban, Sangrices, Santecilla, Sierra eta Soscaño.

Haraneko erdiguneko Kontxa auzoan dago udalerriko administrazio-gunea.

Karrantza Harana udalerria Enkarterrietako alde mendebaldarrenean kokatuta dago. Izadiaren handitasuna hemen agertzen da bere goreneko mailan, batez ere landakoa den zona honek duen erakargarri nagusia izanik.

Ibilbide ugari dago Karrantzako harana ezagutzeko eta landaredi oparoaz eta bisitariari eskaintzen dizkion bista ederretaz gozatzeko. Armañon parke naturaletik haranaren ikuspegi panoramiko bat izango dugu, ikaragarrizko mendigune harritsuen babespean zabaltzen diren artadiz, pagadiz eta hariztiez osatzen dena. Kare-formazioak 200 kobazulo eta amildegi baino gehiagoren etxe dira, eta horien artean Pozalaguako kobazuloa nabarmentzen da, bere estalaktita eszentrikoekin. Bere aldetik, Koben Kona interpretazio-zentrora egindako bisita batek arte paleolitiko europarrean barrena sartzeko aukera emago digu.

Izadiaz gozatzeko, baina baita horretaz ikasteko ere, Karpin Abentura Parkea dago, hogei hektareetako finka bat 200 animalia baino gehiagorekin. Parke horretatik gertu, San Andréseko eliza ederretsi dezakegu, aurkitu berri diren Errenazimenduko pinturekin eta hainbat Masoien ikurrekin apainduta dagoena, egun museoa dena.

¿Quieres saber cómo llegar? Te lo indicamos.

Informazio praktikoa

Website

www.karrantza.org

Serbitzuak / Informazio gehiago

ZER IKUSI

OSTATUAK

JATETXEAK

NEKAZARITZAKO ELIKAGAIAK