Enkarterri Bizkaiko eskualderik mendebaldarrena da eta Kantabria eta Burgosekin egiten du muga. Abanto-Zierbena, Alonsotegi, Artzentales, Balmaseda, Galdames, Gordexola, Güeñes, Karrantza Harana, Lanestosa, Muskiz, Ortuella, Sopuerta, Turtzioz, Zalla eta Zierbenako udalerriek osatzen dute.

Natura betean

Itsasaldeak  eta mendiek bat egiten dute Enkarterrin ingurune liluragarrien artean. Panoramika ikaragarriak eskaintzen dizkigu eskualdeak, eta baita kultura ondare paregabea. Izan ere, tradizioa eta modernitatea eskuz esku doaz xarma handiko herrixketan. Gurean ezusteko txokoak aurkituko dituzu, Erdi Aroko kaleetan zehar ibiliko zara, munduko kobazulo bitxienean barneratuko zara eta zapore biribilenak dastatuko dituzu.

Enkarterriko mendebaldeko haranetatik itsasoaldera arte, lurralde hau baso eta ibaiez zeharkatutako haran ugarien mantu batez estalita dago. Horrek baliabide naturaletan eta lehengaietan aberatsa den enklabe estrategiko bihurtzen du.

Historiaren bidean

Erdi Aroa, esaterako, garai nahasia izan zen, lurraldea boterea eskuratzeko borrokak ugariak izan baitziren. Gerra horiek arkitektura-ondare garrantzitsu bat utzi zuten: dorretxeak. Babesa eta etxebizitza eskaini ez ezik, bandokideen izena eta ospearen adierazle ziren XIV. eta XVI. mendeetan eraikitako gotorlekuak hauek. Eskualdearen kokapena, egurra eta beruna bezalako lehengaiak eta Kadagua ibaiaz eta Errege Bideaz zeharkatuta egotea oinarrizko elementuak izan ziren Enkarterriko ekonomia-aurrerapenean.

Aliron!

XIX. mendearen amaieran meatzaritzak garrantzia handia hartu zuen. Gallartan kokatzen den Euskal Herriko Meatzaritza Museoak Bizkaiko meatzaritzaren historia zalapartatsura garamatza. Miseria, iraultzak eta grebak kontzientzia sozialaren ahots bilakatu ziren milaka langileen eguneroko ogia ziren. kilometro gutxira, Muskizen, El Pobaleko burdinolak Bizkaiko lehen artisau-lantegietako baten sua bizirik mantentzen du oraindik ere.

Pozalaguako kobazulo berdingabetik Gallartako meatzaritzako meategiak arte, askotan ezezaguna den eskualde hau, Enkarterrik, kirola egiteko eta paisaia natural paregabeez gozatzeko aukera eskaintzen duen eskualdea da, bere ondare historiko eta kultural ugaria ezagutzen dugun bitartean.

❱ Gure herriak

❱ Enkarterriko mapa turistikoa