Txakolinaren mundua Enkarterrin
2023-04-28
Jabe zaitez txakolinaren sekretuez. Den-dena jakin nahi dugu gure edari tipikoenak Enkarterrirekin duen harremanari buruz. Horretarako, jardueraz eta sorpresaz betetako txakolin-ibilbide bat diseinatu dugu: dastaketak errota batean edo Rolls-Royce artean, bertoko pintxoekin egindako uztarketak, mahastien arteko ibilbideak (ahosabairako ordainsariarekin) eta askoz gehiago.
Txabarri Txakolina
Bisita + ibilbidea (Sopuerta)
Bisitatu Txabarri familiaren mahastiak Sopuertako Abellaneda auzoan! Txakolina egiteko erabiltzen duten tresneriari erreparatuko diogu, elaboratze-prozesua ezagutuko dugu eta upeltegiko lau barietateak dastatuko ditugu.
Topagunea 11:30ean izango da, Enkarterrietako Museoko aparkalekuan (bertatik mahatsondoak begi bistan ageri dira mendi-hegalean). Ekainaren 10eko edo abuztuaren 19ko bisitan parte hartzen baduzu, aldiz, esperientzia pixka bat desberdina izango da eta mendi-ibilbide gidatua barne hartuko du.
Kasu horretan, goizeko 10:00etan elkartuko gara eta, Zallako Euskadi plazatik abiatuta, Sopuertako mahastietarainoko bideari ekingo diogu oinez (6 bat kilometro). Ordainsari gisa, behin upeltegian, upeltegiko txakolinak eta aperitibo batzuk dastatuko ditugu.
❱ Noiz: abuztuak 19 (erreserba egiteko, sakatu data bat)
❱ Ordua: 11:30ean (10:00etan ibilbidean parte hartzea aukeratzen baduzu)
❱ Prezioa: 10 €
❱ Topagunea: Enkarterrietako Museoaren aparkalekua (Zallako Euskadi plaza ibilbidean parte hartzea aukeratuz gero)
Rolls-Royce, txakolina, bermuta eta pintxoak
Txurrut (Sopuerta)
Agortuta
Txakolina, bermuta, pintxoak eta luxuzko ibilgailuak: Enkarterriko txakolin gazteenetako bat ezagutzeko konbinazio aparta. Bisitaldia Galdamesko Concejuelo auzoan hasiko da. Hemen dago Loizaga dorrea, Europako Rolls-Royce bilduma pribatu handiena. Museoa bisitatu ondoren, Sopuertaraino abiatugo gara oinez edo norberaren autoan (ibilbidea 1,5 kilometrokoa da), Txurrut upategietaraino hain justu. Bertan txakolina, bermutak eta pintxo bat dastatuko ditugu.
❱ Noiz: agortuta
❱ Ordua: 10:00
❱ Prezioa: 10 € (Loizaga Dorrerako sarrera barne)
❱ Topagunea: Loizaga Dorrea
Dastaketa errota batean
Bodegas de Galdames
Bisitaldia Valdibiango XVIII. mendeko errotan egingo da, Galdamesko natura betean. XVIII. Hemen, Barbadun ibaiko uren ondoan eta mahastietatik eta Bodegas de Galdames upeltegiaren instalazioetatik oso gertu, hiru txakolin dastatuko ditugu bertako produktuekin egindako beste hainbeste pintxorekin batera. On egin!
❱ Noiz: irailak 10 (erreserba egiteko, sakatu data bat)
❱ Ordua: 12:00etan
❱ Prezioa: 10 €
❱ Topagunea: Valdibian errota
Gazta eta txakolin ekololgikoak: aspaldiko zaporeak
Ulibarri Artzaiak (Gordexola)
Zer zapore zuten gure arbasoek dastatzen zituzten txakolinek eta gaztek? Ulibarri Artzaiak ekimenak (Gordexola) betiko zaporeak berreskuratu nahi izan ditu abeltzaintza eta mahastizaintza ekologikoko proiektu aitzindari baten bidez. Bisitaldia baserrian bertan egingo dugu eta, txakolinaz gain, artzainaren ardi gazta saritua dastatuko dugu artaldearen ikuspegi artean.
❱ Noiz: data berriak berrestearen zain
❱ Ordua: 12:00etan
❱ Prezioa: 10 €
❱ Topagunea: Ulibarri Artzaiak baserria
Txakolina pintxoekin… eta ilunpetako kobazulo bat
DeBringas (Karrantza)
Oraingo honetan, Bizkaiko txakolinik mendebaldekoena ezagutuko dugu: lasto koloreko ardo hori bat, hondarribi zuri barietateko mahatsez egina batez ere. De Bringas txakolinak fruta-gustuko ukitua eta azidotasun orekatua ditu, eta aparta da produktu freskoekin laguntzeko. Oraingoan, bertoko produktuekin egindako pintxoekin uztartuko dugu. Dastatu aurretik, Pozalagua kobazuloan barneratuko gara, erabat ilunpetan, kopetako linterna baten laguntzaz, haitzuloko aurkitzaileek egin zuten bezala.
❱ Noiz: abuztuak 27 (erreserba egiteko, sakatu data bat)
❱ Ordua: 10:30ean
❱ Prezioa: 10 € (kobazulorako sarrera barne)
❱ Topagunea: Pozalagua kobazuloa
Txakolina eta talo-tailerra
Markoleta upeltegiak (Güeñes)
Markoleta Txakolinaren mahatsondoak Güeñeseko La Quadra auzoan daude, Eretza mendiaren estalpean. Mahatsak iparraldeko haizetik babestuta hazten dira hemen, berezko usain hori lurretik ateraz. Ibilbide laburra egiten dute: mahatsondotik dolarera zuzenean pasatzen dira. Lortutako muztioa txakolin bihurtuko da kupeletan. Bisitaldian, upeltegiko ardoak mahastian bertan dastatzeaz gain, taloa prestatuko dugu uztartze ezin hobea lortzeko.
❱ Noiz: data berriak berrestearen zain
❱ Ordua: 12:00etan
❱ Prezioa: 10 €
❱ Topagunea: Markoleta upeltegia
